ᒫᓐᓇᐅᔪᖅ ᐃᓕᓐᓂᐊᑏᑦ

ᑕᒃᑲᓂ ᖃᕆᑕᐅᔭᑎᒍᑦ ᐊᓪᓚᓯᒪᔪᖏᑦ ᑐᕌᖓᓂᖃᕐᑎᑕᐅᕗᑦ ᐃᓕᓐᓂᐊᑎᓄᑦ ᐃᓕᓐᓂᐊᖑᓱᑦᑐᓄᑦ ᓄᓇᕕᒃ ᓯᕗᓂᑦᓴᕗᑦᑯᓐᓂ. ᑕᒃᑲᓂ, ᑕᑯᒍᓐᓇᓚᖓᔭᑎᑦ ᑐᓴᕐᑎᓯᐅᑏᑦ ᖃᐅᔨᒪᔭᐅᓗᐊᖕᖑᐊᕆᐊᓕᓐᓂᒃ ᐅᓪᓗᓂᒃ ᐃᓕᓐᓂᐊᓇᐅᑉ ᐊᕐᕌᒍᖓᓄᑦ 2018-2019-ᒧᑦ ᐊᒻᒪᓗ ᐃᓕᓐᓂᐊᑎᑕᐅᒍᓐᓇᓯᓂᕐᒧᑦ ᐱᕕᑦᓴᖃᕐᑎᑕᐅᒍᑏᑦ.

ᐊᑐᖔᕈᓐᓇᒥᔦᑦ ᐋᒻᓂᕚᒃᔅ ᔮᓐ ᐋᐸᑦ ᐃᓕᓐᓂᐊᕕᒻᒪᕆᐅᑉ ᐃᓕᓐᓂᐊᑎᖏᑦᑕ ᐃᑎᕐᕕᖓ.l
****ᑕᑯᒋᐊᕐᓗᑎᑦ ᐋᒻᓂᕚᒃᔅ ᓇᕐᓂᕈᑎᖓ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᑎᒍ ᐊᑐᖕᖏᖔᕐᓗᒍ ᐃᓗᓕᖏᑦ ᙯᐳᓕᖕᒃ (hyperlink).*****

ᐊᐅᓚᔨᒐᑦᓭᑦ ᐅᓪᓗᐃᑦ

ᒫᓐᓇᐅᔫᖅ ᐃᓕᓐᓂᐊᖑᓱᒃᑭᑦ ᓄᓇᕕᒃ ᓯᕗᓂᑦᓴᕘᒃᑯᓂᒃ? ᐅᑯᐊᑕᒐ ᐊᐅᓚᔨᒐᑦᓭᑦ ᐅᓪᓗᐃᑦ ᐃᕐᖃᐅᒪᒋᒐᓱᐊᖏᓐᓇᕆᐊᓕᑎᑦ 2018-2019 ᐃᓕᓐᓂᐊᓇᐅᑉ ᐊᕐᕌᒍᖏᓐᓄᑦ.

2018 ᐅᑭᐊᖅ ᐃᓕᓐᓂᐊᓇᖅ

ᓯᑦᑎᒻᐱᕆ 4-9: ᓱᖏᐅᓯᓭᓂᖅ
ᓯᑦᑎᒻᐱᕆ 10: ᓯᕗᓪᓕᐹᕐᓯᐅᑎᒃ ᐅᓪᓗᒃ ᐃᓕᓐᓂᐊᓇᕐᒥᒃ
ᐆᑦᑑᐱᕆ 8-12: ᓇᑯᕐᒦᓇᐅᑉ ᐅᓪᓗᖓ/ᓂᕐᓕᒃ ᓄᕐᖃᖓᑫᓐᓇᓂᖅ
ᓅᕕᒻᐱᕆ 5-9: ᐃᓕᕐᕐᑯᓯᓕᕆᓂᕐᒧᑦ ᒪᙯᓐᓂᖅ ᐱᓇᓱᐊᕈᓯᓕᒫᕐᒥ
ᑏᓯᒻᐱᕆ 14*: ᑭᖑᓪᓕᐹᕐᓯᐅᑎᒃ ᐅᓪᓗᒃ ᐃᓕᓐᓂᐊᓇᕐᒥᒃ ᐅᑭᐊᖅ ᐃᓕᓐᓂᐊᓇᕆᔭᖓᓂᒃ

2019 ᐅᑭᐅᒥ ᐃᓕᓐᓂᐊᓇᖅ

ᔭᓄᐊᕆ 7-11: ᐃᓕᓐᓂᐊᑏᑦ ᐳᓛᕆᐊᕐᓂᖏᑦ ᓄᓇᕕᐅᑉ ᓄᓇᓕᖏᓐᓄᑦ (ᓴᕐᕐᑭᑎᑦᓯᓃᑦ)
ᔭᓄᐊᕆ 14: ᓯᕗᓪᓕᐹᕐᓯᐅᑎᒃ ᐅᓪᓗᒃ ᐃᓕᓐᓂᐊᓇᕐᒥᒃ
ᒫᑦᔨ 1: ᐃᓚᐅᒐᓱᐊᕐᓂᐅᑉ ᐅᓪᓗᖓᑕ ᐅᒃᑯᐊᕕᑦᓴᖓ 2019-2020 ᐃᓕᓐᓂᐊᓇᐅᑉ ᐊᕐᕌᒍᖓᓄᑦ
ᒫᑦᔨ 4-8: ᐅᐱᕐᖓᓴᒥ ᓄᕐᕐᑲᖓᑫᓐᓇᓂᖅ
ᐁᕆᓕ 1-5: ᓄᓇᑐᐃᓐᓇᒦᑦᑎᓯᒋᐅᕐᓴᓂᕐᒧᑦ ᐃᓕᓐᓂᐊᑎᑦᓯᒍᑏᑦ
ᐁᕆᓕ 26*: ᑭᖑᓪᓕᐹᕐᓯᐅᑎᒃ ᐅᓪᓗᒃ ᐃᓕᓐᓂᐊᓇᕐᒥᒃ

*ᐃᑉᐱᒋᔭᐅᒋᐊᓕᒃ: ᐅᓪᓗᖓ ᑭᖑᓪᓕᐹᕐᓯᐅᑎᐅᑉ ᐅᓪᓗᖅ ᐃᓕᓐᓂᐊᓇᐅᑉ ᐊᓯᑦᔨᑐᐃᓐᓇᕆᐊᓕᒃ, ᐱᑦᔪᑎᖃᕐᓗᓂ ᐱᐅᓯᕐᓲᑎᐅᖕᖏᑐᓂᒃ ᐱᓂᐊᕐᓂᐅᔪᓂᒃ, ᓯᓚᒃ, ᐊᓯᖏᓪᓗ.

ᐃᓕᓐᓂᐊᕆᐊᓪᓚᓂᕐᒧᑦ ᐃᑲᔪᕐᓯᒍᑏᑦ

This section highlights some of the opportunities available to students. This list is not exhaustive, and we strongly encourage students to explore options beyond the programs identified below.

ᒪᑭᕝᕕᑯᑦ ᐊᐅᓚᑦᓯᓲᖑᕗᑦ ᐃᓕᓐᓂᐊᕆᐊᓪᓚᓂᕐᒧᑦ ᐃᑲᔪᕐᓯᓂᕐᒥᒃ ᓄᐃᑕᐅᓯᒪᔪᖅ ᖁᕝᕓᒋᐊᕐᑎᓯᒍᑎᐅᒐᔭᕐᑎᓗᒍ ᐊᒻᒪᓗ ᑫᓪᓗᑐᐃᒍᑎᐅᓗᓂ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᓂᕐᒥᒃ ᐃᓕᓐᓂᐊᕈᒪᓂᕐᒥᒃ ᐃᓄᓐᓄᑦ ᐃᓚᐅᔪᓄᑦ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ. (JBNQA).

ᐱᕕᑦᓴᖃᕈᓐᓇᑎᑕᐅᔪᑦ ᒪᓕᒐᖏᓐᓄᑦ ᐃᓚᐅᒍᓐᓇᕕᖃᕐᑎᑕᐅᑐᐊᕈᕕᑦ, ᐱᒐᓱᐊᕈᓐᓇᑐᑎᑦ ᑮᓇᐅᔭᖃᕐᑎᑕᐅᒍᓐᓇᓂᕐᒥᒃ ᐊᑖᒎᕐᑎᓗᒍ ᐱᓇᓱᐊᕐᑎᓯᒍᑎᐅᑉ.

ᐃᑲᔪᕐᓯᔭᐅᒍᒪᐅᑎᐅᑉ ᒪᓂᔭᐅᓂᖓᑕ ᐅᓪᓗᖁᑎᖏᑦᑕ ᐃᓱᓕᕝᕕᖏᑦ
ᐃᓱᓕᕝᕕᖃᓛᕐᑐᖅ ᒪᓂᔨᓂᖅ ᐃᑲᔪᕐᓯᔭᐅᒍᒪᐅᑎᓂᒃ ᐃᓕᓐᓂᐊᓂᕐᒥᓄᑦ ᓯᑉᑎᒻᐸ 30 ᐊᕐᕌᒎᓂᐊᕐᑐᒨᓕᖓᔪᑦᓴᓂᒃ ᐃᓕᓐᓂᐊᓂᕐᓄᑦ ᐊᒻᒪᓗ ᕕᕈᐊᕆ 15 ᐃᓱᓕᕕᐅᓛᕐᒥᔪᖅ ᑐᑦᓯᕋᐅᑎᓄᑦ ᐅᑭᐊᑦᓴᒨᓕᖓᓚᖓᔪᓂᒃ ᐃᓕᓐᓂᐊᕈᑎᑦᓴᓄᑦ.

ᓯᑯᑦᓴᔭᖁᑎᒋᒋᐊᓕᖏᑦ
ᑐᑦᓯᕋᐅᑎᓕᐅᕐᓂᐊᕈᕕᑦ ᐃᓕᓐᓂᐊᓂᕐᒧᑦ ᐃᑲᔪᕐᓯᔭᐅᒍᑎᑦᓴᓂᒃ, ᒪᓂᔨᒋᐊᖃᕐᑐᑦ ᐅᑯᓂᖓ ᓯᑯᑦᓴᔭᓂᒃ

  1. ᓯᑯᑦᓴᔭᐅᑉ ᐊᑦᔨᖓ ᑭᖑᓪᓕᐹᒥ ᓯᑯᑦᓴᔭᕐᑖᕕᓂᖅ ᐳᕐᑐᓂᕐᐹᓂ ᐃᓕᓐᓂᐊᕈᑎᕕᓃᑦ ᐃᓕᓐᓂᐊᕕᒻᒥᑦ ᐱᔭᕕᓃᑦ
  2. ᓱᕐᖁᐃᓯᐅᑏᑦ ᐊᑎᕐᐱᑦ ᐊᓪᓚᑕᐅᒪᓂᖓ ᐳᕐᑐᓂᕐᐹᒥ ᐃᓕᓐᓂᐊᓂᕕᓂᕐᓄᑦ ᐊᒻᒪᓗ ᑲᔪᓯᓚᖓᓂᕐᓂᐅᕕᑦ ᐃᓕᓐᓂᐊᑕᕐᓂᒃ (ᐃᓕᓐᓂᐊᓃᑦ ᑭᖑᓪᓕᐸᐅᖕᖏᑐᐊᕐᐸᑦ)
  3. ᐃᑲᔪᕐᓯᔭᐅᒍᒪᐅᑎᓕᐊᕐᐱᑦ ᓯᑯᑦᓴᔭᖁᑎᖓ ᑕᑕᕐᓴᕆᐊᓕᓕᒫᕐᑕᖏᑦ ᐊᓪᓚᕕᒋᓯᒪᓗᒋᑦ

ᑐᑭᓯᕚᓪᓕᕈᑎᑦᓴᒋᐊᓪᓓᑦ ᑕᒪᑐᒪ ᒥᑦᓵᓅᓕᖓᔪᑦ ᑕᑯᒋᐊᕈᓐᓇᒥᔭᑎᑦ ᓯᑯᑦᓴᔭᖕᖑᑎᒍᓐᓇᓱᒋᑦ ᐅᕝᕙᓘᓐᓃᑦ ᖃᕆᑕᐅᔭᒦᖏᓐᓇᑎᓗᒋᑦ ᑕᑕᕐᓴᓗᒋᑦ ᐅᕙᓂ ᑐᕌᒍᑎᒦᑦᑐᑦ Makivik Corporation ᖃᕆᑕᐅᔭᒃᑯᑦ ᓄᐃᑕᑎᑦᓯᕕᖓᓂ.

More sponsorship programs to come soon!