ᓯᕗᓂᕐᒥ ᐃᓕᓵᖑᒍᒫᕐᑐᑦ
ᑐᓴᐅᒪᒐᑦᓯ ᓄᓇᕕᒃ ᓯᕗᓂᑦᓴᕗᑦᒥᒃ ᐃᓱᒪᖕᖑᐊᖃᑦᑕᑐᑦᓴᐅᖏᓐᓈᑐᓯ ᐆᑦᑐᕆᐊᕈᒪᒋᐊᖅ? ᐅᑯᐊ ᑕᒐ ᐅᕙᑦᑎᓂᒃ ᓇᓪᓕᑳᖔᕆᐊᖃᓚᕿᐅᑎᓯ.
ᐊᓯᖃᖏᒻᒪᑦ ᐳᕐᑐᓂᕐᐹᓂ ᐃᓕᓐᓂᐊᕇᕐᓯᒪᔪᑦ ᐊᑑᑎᓲᖏᑦᑕ ᐊᑦᔨᖏᓐᓂᒃ ᑐᕌᕐᑎᑎᓂᕐᐸᐅᓱᓂ ᓄᓇᕕᒥᒨᓕᖓᔪᓂᒃ ᑐᑭᓯᒪᓂᕐᐸᐅᒪᑦ ᐃᓗᕐᕈᓯᖓᒎᕐᓂᐸᐅᑦᓱᓂᓗ.
ᓄᓇᕕᒃ ᓯᕗᓂᑦᓴᕗᑦ ᓇᓪᓕᑳᕋᑦᓴᓯᐊᖅ, ᐃᓕᓐᓂᐊᓂᒍᓗᑐᐃᓐᓇᐅᖏᑦᑐᓂᓗ ᒪᓂᒪᑎᑦᓯᕕᐅᓲᖑᑦᓱᓂ. ᑲᑎᓯᖃᑦᑕᓚᖓᔪᑎᑦ ᓄᓇᕕᒻᒥᐅᒐᓛᓕᒫᓂᒃ ᐱᓇᓱᖃᑎᒋᖃᑦᑕᓗᒋᓪᓗ ᑐᑭᓯᕚᓪᓕᕈᑎᑦᓴᓯᐅᖃᑎᒋᓗᒋᑦ ᐱᔭᕇᒐᓱᐊᕐᑕᓯᓐᓂᒃ ᐃᓕᑕᕐᓯᒪᓂᕐᓴᐅᖃᑎᒋᓂᐊᕋᑦᓯᒋᑦ, ᓲᖑᓯᕙᓪᓕᐊᖃᑎᒋᓗᒋᑦ ᐱᔭᕆᐊᑐᔪᓂᓗ ᑲᑐᑦᔨᖃᑎᒋᖃᑦᑕᓗᒋᑦ ᐃᓄᐃᑦ ᓯᕗᓕᓯ ᐊᑑᑎᖃᑦᑕᓯᒪᔭᖏᑎᒍᑦ ᐊᒻᒪᓗ ᐅᓪᓗᒥᒧᑦ ᐊᑑᑎᕙᖏᓐᓈᑕᖏᑎᒍᑦ. ᓴᑐᕐᑎᑕᐅᖃᑦᑕᓗᓯ ᓄᑖᓂᒃ ᐱᕐᕈᓯᕐᓂᒃ ᐃᒻᒥᓂᒃ ᑐᑭᓯᔭᐅᑎᑦᓯᒐᓱᐊᕐᓂᒧᑦ ᐃᓄᑐᐃᓐᓇᐅᓂᕐᐱᓗ ᐃᑉᐱᓂᐊᕈᓯᖓᓂᒃ ᐊᓪᓚᓯᒪᔪᖕᖑᑎᑦᓯᓂᑎᒍᑦ, ᐅᖄᓂᒃᑯᑦ, ᐱᕐᕈᓯᑐᖃᑦᓴᔭᑎᒍᑦ ᐱᓕᐅᑦᔨᕋᕐᓂᑯᑦ ᐊᒻᒪᓗ ᑕᑯᓐᓇᑕᐅᒍᓐᓇᑐᕐᑎᒍᑦ ᓱᓕᔪᖕᖑᐊᓕᕆᓂᑎᒍᓪᓗ. ᐃᓱᐊᕆᔭᑐᐃᓐᓇᑎᒍᑦ ᐃᓅᒐᓱᐊᕐᓂᕆᓲᑦ ᐃᐱᕋᐸᓕᐊᒍᓐᓇᓯᓗᒍᐊᓪᓛᑦ ᐅᓪᓗᑕᒫᕐᓯᐅᑎᓂ ᑐᑭᓯᕙᓪᓕᐊᓕᑐᐊᕈᕕᑦ ᓱᒧᑦ ᐃᓄᑐᐃᓐᓇᐅᒍᓯᐅᑉ ᐃᓕᑕᕆᔭᐅᓲᖑᓂᖓᓂ ᐱᒻᒪᕆᐅᑎᑕᐅᑦᓱᓂ, ᐃᓪᓕᕆᔭᐅᑦᓱᓂᓗ.
ᐃᓕᓐᓂᐊᑕᕐᓂᖅ ᓄᓇᕕᒃ ᓯᕗᓂᑦᓴᕘᒃᑯᓂᑦ ᐱᔭᕇᑦᓯᐊᖁᓇᕐᑑᕗᑎᑦ ᐊᕐᕌᒎᑉ ᐃᓱᐊᓂ ᐃᓕᓐᓂᐊᕕᒻᒪᕆᒻᒥᒃ ᖃᕝᕙᕆᐊᕈᑎᑖᑦᓯᐊᕕᒋᓗᒍ ᐊᓪᓛᑦ, ᐅᐱᒪᒋᔭᕐᑖᓗᑎᓗ ᓄᓇᕕᒻᒥᐅᑕᐅᒋᐊᕐᓂᒃ, ᑐᑭᓯᔭᕕᓂᕐᓂᓗ ᑕᕝᕙᓂ ᐊᒥᕐᖄᖃᑎᖃᕆᐅᕐᓂᐅᓯᓗᑎᑦ ᓯᓚᕐᔪᐊᒥᐅᓕᒫᓂᒃ.
ᖃᕆᑕᐅᔭᒦᑦᑐᑦ ᐃᓗᓕᑕᖃᕐᐳᑦ ᖃᐅᔨᒪᒋᐊᓕᓕᒫᕐᓃᕕᑦ ᓯᓂᑦᑕᕕᑦᓴᖏᓐᓅᓕᖓᔪᓂᒃ ᐃᓕᓵᑦ, ᐃᑲᔪᕐᓯᔭᐅᕕᑦᓴᖏᑦ ᐊᑐᐃᓐᓀᑦ ᐃᓕᓐᓂᐊᓕᑐᐊᕈᕕᑦ, ᐊᒻᒪᓗ ᐊᐱᕐᓲᑎᐅᕙᓪᓗᓲᑦ ᑭᐅᑦᔪᑎᖏᓐᓂᒃ ᓄᐃᑕᑎᑦᓯᒥᔪᑦ (ᐊᐱᕆᐅᑎᐅᕙᓪᓗᓲᑦ).
ᑕᑯᒋᐊᕐᓂᐊᕆᕗᑎᑦ ᐃᓗᓕᖏᓐᓂᒃ ᐃᓕᓐᓂᐊᕋᑦᓴᐅᑎᑦᓱᒋᑦ ᒪᓂᒪᑎᑕᕗᓐᓂᒃ! (ᐃᓕᓐᓂᐊᕋᑦᓭᑦ ᐊᑐᐃᓐᓇᐅᑎᑕᕗᑦ ᓚᔪᒧᑦ ᓇᕐᓂᓗᒍ)
ᐃᓕᓵᑦ ᐊᓂᕐᕋᖏᑦ
ᐃᓪᓗᖁᑎᖏᑦ ᓄᓇᕕᒃ ᓯᕗᓂᑦᓴᕘᒥ ᐃᓕᓵᑦ ᐊᐅᓚᑕᐅᔪᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ, ᐊᑖᓃᑦᓱᓂ ᐳᕐᑐᓂᕐᐹᑦ ᐃᓕᓐᓂᐊᓂᖓᑕ ᑮᓇᐅᔭᖃᕐᑎᑕᐅᕕᖓᓄᑦ. ᑕᒪᒃᑯᐊ ᐃᓕᓴᕋᑦᓭᑦ ᐊᐅᓚᑕᐅᔪᑦ ᐳᕐᑐᓂᕐᐹᑦ ᐃᓕᓐᓂᐊᓂᖓᑕ ᐃᓕᓵᑦ ᑭᒡᒐᑐᕐᑕᐅᕕᖓᓄᑦ. ᖃᐅᔨᒪᒐᑦᓴᒋᐊᓪᓚᐅᒋᕗᑦ ᑮᓇᐅᔭᖃᕐᑎᑕᐅᒍᑎᑦ ᐃᓗᐊᒍᑦ ᐱᓇᓱᐊᕐᑕᐅᔪᑦ ᐊᒻᒪᓗ ᐃᓕᓐᓂᐊᕆᐊᕐᑐᕈᒪᐅᑏᑦ ᑕᑕᕐᓴᕋᑦᓴᖏᑦ ᓯᑯᑦᓴᔦᑦ ᐊᒻᒪᓗ ᐅᓪᓗᖓᑕ ᐃᓱᓕᕝᕕᓴᖏᑦ ᑕᐅᒋᐊᕐᑕᐅᒍᓐᓇᖁᑦ ᒫᓃᑦᑐᑦ.
ᓄᓇᕕᒃ ᓯᕗᓂᑦᓴᕗᒃᑯᓂ ᐃᓕᓵᑦ ᕿᑐᕐᖓᖃᖕᖏᑐᑦ ᐃᓂᖃᕐᑎᑕᐅᓲᑦ EVO-ᒥ ᐃᓕᓵᑦ ᐃᓪᓗᖁᑎᖓᓂ. ᕿᒥᕐᕈᒋᐊᕐᑐᕈᓐᓇᒥᔭᑎᑦ ᖃᓄᐃᑦᑐᓴᔭᐅᒻᒪᖔᑕ ᐃᓪᓗᖁᑎᖓ ᐃᓱᕐᕉᑎᑦᓴᔭᓗᑳᖏᓪᓗ ᒫᓃᑦᑐᑦ.
ᓄᓇᕕᒃ ᓯᕗᓂᑦᓴᕗᒃᑯᓂ ᐃᓕᓵᑦ ᕿᑐᕐᖓᓖᑦ ᐃᓪᓗᖃᕐᑎᑕᐅᔪᑦ ᐃᓪᓗᖁᑎᖏᓐᓂ ᐊᐅᓚᑕᐅᔪᓂ ᑲᑎᕕᒃ ᐃᓕᓴᕐᓂᓕᕆᔨᒃᑯᓄᑦ, ᐊᑖᓂ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓂᕐᒧᑦ ᑮᓇᐅᔭᖃᕐᑎᑕᐅᒍᑏᑦ ᐃᓕᓵᓄᑦ. ᐃᓪᓗᖁᑎᖏᑦ ᐯᕆᑦᓯᕕᒻᒧᑦ ᖃᓂᑦᑑᒐᓱᐊᒧᑦ, ᐃᓕᓐᓂᐊᕕᓐᓄᒃ, ᐁᕕᐅᖓᔪᓲᓄᑦ, ᐊᒻᒪᓗ ᐃᓄᓕᒫᓅᓕᖓᔪᑦ ᐊᕐᕕᑕᐅᑎᓗᑳᖏᓐᓄᑦ.
ᑐᑭᓯᒐᓱᐊᕆᐊᓪᓛᕈᒪᒍᕕᑦ ᐃᓪᓗᖃᕐᑎᑕᐅᓃᑦ ᒥᑦᓵᓄᑦ, ᐅᖄᕕᖃᕈᓐᓇᕆᕗᑎᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᑏᑦ ᐱᒍᑦᔭᐅᕕᖓᓄᑦ ᐅᕗᖓ 514 457-1178. ᑐᑭᓯᒋᐊᓪᓚᕈᓐᓇᒥᔪᑎᑦ ᐊᓪᓚᑕᐅᓯᒪᔪᓂᒃ ᐃᑲᔪᕐᓯᒍᑎᖏᓐᓂᒃ ᖃᓄᐃᑦᑑᒪᖔᑕ ᒫᓃᑦᑐᑦ.
ᓱᓇᐅᕚᑦ ᐃᑲᔪᕐᓯᔭᐅᒍᑏᑦ ᐊᑐᐃᓐᓇᐅᔪᑦ?
ᐃᓕᓐᓂᐊᓕᑐᐊᕈᕕᑦ ᐃᑲᔪᕐᓯᔭᐅᖃᑦᑕᓂᐊᕐᖁᑎᑦ ᐱᓇᓱᐊᕐᑐᓄᑦ ᓄᓇᕗᑦ ᓯᓄᓂᑦᓴᕘᒃᑯᓂ. ᐱᓇᓱᐊᖃᑎᒌᑦ ᒪᓂᒪᑎᑦᓯᓲᑦ ᐋᕐᕿᓱᕐᓯᒪᐅᑎᖏᓐᓂᒃ*, ᐃᓅᑦᔪᓯᕐᓄᑦ ᐊᒻᒪᓗ ᐃᓕᓴᕐᑕᓂᒃ ᐃᑲᔪᕐᓯᔭᐅᕕᖃᕐᑎᓯᓗᑎᒃ ᐃᓕᓵᓂᒃ. ᒪᑯᑎᒎᓇ, ᐆᑦᑑᑎᒋᓗᒍ:
- ᐃᑲᔪᕐᓯᒪᓗᑎᒃ ᐃᓕᓵᓂᒃ ᑮᓇᐅᔭᖃᕐᑎᑕᐅᓂᕐᒧᑦ ᐃᑲᔪᕐᑕᐅᒍᑎᓄᑦ ᐱᒐᓱᐊᕈᑎᓂᒃ
- ᐱᑕᖃᕐᑎᓯᓗᑎᒃ ᐃᓅᖃᑎᒌᓐᓂᒧᑦ ᐊᒻᒪᓗ ᐃᓕᓐᓂᐊᑕᖏᓐᓄᑦ ᐃᑲᔪᕐᓯᓂᕐᒥᒃ ᐃᓕᓵᓂᒃ ᐱᔭᕇᒍᓐᓇᓯᑎᒐᓱᐊᕐᓗᒋᑦ ᓄᓇᕕᒃ ᓯᕗᓂᑦᓴᕘᒃᑯᓂ ᐃᓕᓐᓂᐊᑕᒥᓂᒃ
- ᐸᕐᓀᐸᓪᓗᑎᒃ ᐃᓘᓐᓇᑎᑦ ᓱᖃᑦᓯᖑᐊᓚᖓᔭᖏᓐᓂᒃ ᓇᒧᖕᖓᓕᐊᕐᑎᑕᐅᓗᑳᓪᓗᑎᒃ ᐃᓕᓵᑦ
* ᖃᐅᔨᒪᔭᐅᒋᐊᓕᒃ: ᐋᕐᕿᓱᕐᓯᒪᐅᑎᓄᑦ ᐃᑲᔪᕐᓯᒪᓂᖅ ᐃᒣᑦᑑᒍᓐᓇᒥᔪᖅ, ᐃᓪᓗᒋᓂᐊᕐᑕᖏᓐᓅᓕᖓᔪᓂᒃ, ᐯᕆᑦᓯᕕᓐᓄᑦ ᐃᑎᕈᑎᓕᐅᕐᓂᖅ ᐱᐊᕋᕐᒥᓂᒃ ᕿᑐᕐᖓᓕᓐᓄᑦ, ᐊᕐᕕᑕᐅᑎᑦᓴᓂᒃ ᐃᑭᒍᑎᓕᐅᕐᓂᖅ, ᐊᓯᖏᓐᓂᓗ.
ᐃᓕᓐᓂᐊᕆᐊᕈᒪᓂᖅ ᐳᕐᑐᓂᕐᓴᓂᒃ ᐃᓕᓐᓂᐊᓂᕐᒥ ᑐᑭᑖᕆᒍᑎᐅᒋᐊᒍᓗᖕᖑᐊᑐᐃᓐᓇᐅᓲᖑᖕᖏᑐᖅ ᐱᒻᒪᕆᐅᓂᑯᖓᓄᑦ. ᐊᕙᖕᖓᓂᐊᓗᒃ ᐸᕐᓇᐸᓪᓕᐊᓯᓗᒍ ᐱᐅᓂᕐᐹᖅ ᐃᓕᓐᓂᐊᕆᐊᕈᒪᓛᕐᓃᑦ ᑕᒪᖏᓐᓄᑦ ᑮᓇᐅᔭᖃᕐᑎᐅᓂᕐᒧᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐊᒻᒪᓗ ᐃᑎᕐᑎᑕᐅᒍᑎᒋᒍᒪᔭᑎᑦ ᓯᑯᑦᓴᔭᖁᑎᖏᑦ ᐃᓗᓪᓕᑐᕐᖄᓗᖏᑦ ᓄᓇᕕᒃ ᓯᕗᓂᑦᓴᕘᒃᑯᓄᑦ ᐃᑎᕈᑎᒋᒍᒪᔭᑎᑦ. ᕿᒥᕐᕈᒍᓐᓇᑕᑎᑦ ᓱᓇᒥᑦᑐᑦ ᖃᓄᐃᓕᐅᕈᑕᐅᒋᐊᓖᑦ ᑕᑕᕐᓴᕆᐊᓕᓕᒫᓄᑦ ᐅᕙᓂ.
ᐊᐱᕐᓲᑎᑦᓴᖃᕈᕕᑦ ᖃᓄᑐᐃᓐᓇᖅ, ᐅᕙᑦᑎᓄᑦ ᑐᓴᕋᓱᐊᕐᕕᖃᕈᓐᓇᕆᕗᑎᑦ ᒫᑦᔨ 1-ᖑᓚᐅᕐᑎᓇᒍ ᐃᓕᒐᓱᐊᕐᓂᐅᑉ ᐃᓱᓕᓂᖓ ᑎᑭᓚᐅᕐᑎᓇᒍ. ᐃᑲᔪᕐᓯᒍᒪᑦᓴᑐᐃᓐᓇᖁᒍᑦ ᐃᓕᓐᓂᒃ!
ᐅᖃᓚᐅᑎᖓ: 514-303-9944
ᐅᖃᓚᐅᑎᒃ ᐊᑭᖃᖕᖏᑐᖅ: 1-844-445-2525
ᓱᑲᑦᑐᑰᕈᑎᒃ: 514-989-8789
ᖃᕆᑕᐅᔭᒃᑯᑦ: info@sivunitsavut.ca
ᐊᐱᕐᓲᑎᐅᑲᑦᑕᖑᓱᓲᑦ
ᐅᓇᒻᒥᓱᓕᕐᖀᑦ ᐃᓕᓵᖑᓛᕈᒪᓕᕐᓱᑎᒃ ᓄᓇᕕᒃ ᓯᕗᓂᑦᓴᕗᒃᑯᓂ? ᐊᑖᓂ, ᐊᓪᓚᓯᒪᕗᒍᑦ ᐊᐱᕐᓲᑎᒋᔭᐅᓲᓂᒃ ᓯᕗᓂᕐᒥ ᐃᓕᓐᓂᐊᓛᓕᕋᒥᒃ ᐊᐱᕐᓱᑕᐅᒍᑎᒋᕙᑦᑕᕗᓐᓂᒃ. ᐃᓱᒫᓘᑎᖏᑦ ᖃᓄᐃᓘᕐᓗᑎᒃ ᑕᑕᕐᓭᒐᓱᐊᕆᐊᖃᕐᒪᖔᕐᒥᒃ, ᐊᓂᕐᕋᕆᓛᕐᑕᒥᓂᒃ ᒪᓐᑐᔨᐊᒦᓕᕈᑎᒃ, ᐃᑲᔪᕐᓯᔭᐅᕕᑦᓴᒥᓂᒃ ᐃᓕᓵᖑᓕᕈᑎᒃ ᐱᐊᕋᖃᕐᓗᑎᒃ, ᐱᔭᒃᓴᖏᑦ ᐃᓕᓴᕐᕕᓴᖓᑕᓗ ᒪᓂᒪᑎᑕᕗᑦ ᖃᓄᐃᑦᑑᒪᖔᑕ.
ᕿᒥᕐᕈᓚᐅᒃᑭᑦ. ᐊᐱᕐᓲᑎᖃᖏᓐᓈᕈᕕᓪᓗ ᐊᓯᖏᓐᓂᒃ ᑭᐅᖕᖏᑕᕗᓐᓂᒃ ᑕᒪᒃᑯᓇᓂ, ᐅᕙᑦᑎᓄᑦ ᖃᕆᑕᐅᔭᒃᑯᑦ ᐊᓪᓚᒍᓐᓇᖁᑎᑦ ᐅᕗᖓ ᖃᕆᑕᐅᔭᐅᑉ ᐊᓪᓚᕕᖓ ᐅᕝᕙᓘᓐᓃᑦ ᐅᖃᓚᓗᑎᑦ ᐅᕗᖓ 514 303-9944.
ᐅᑭᐅᖏᑦ ᑲᒪᒃᑯᑕᐅᖕᖏᑐᑦ, ᓄᓇᕕᒃ ᓯᕗᓂᑦᓴᕘᒃᑯᓂ ᐃᓕᓐᓂᐊᕆᐊᕈᒪᔪᑦ, ᐃᓚᐅᒍᑎᖃᓚᐅᕈᓂ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ, ᐳᕐᑐᓂᕐᓴᒥᓪᓗ ᐱᔭᕇᕐᓂᐅᑎᑖᕐᓯᒪᓗᓂ (DES).
ᒪᕆᕐᔪᐊᖅ! ᐳᕐᑐᓂᕐᓴᒥ ᐱᔭᕇᕐᓂᐅᑎᑖᕐᓯᒪᓚᐅᕈᕕᑦ ᐃᓚᐅᒍᑎᖃᕐᓗᑎᓪᓗ JBNQA-ᒥ.
ᐊᐊ, ᓄᓇᕕᒃ ᓯᕗᓂᑦᓴᕘᒃᑯᑦ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᖅ ᐃᑲᔪᕐᓯᒪᓚᖓᕗᑦ ᐃᓕᓵᓂᒃ ᕿᑐᕐᖓᓕᓐᓂᒃ ᐁᑉᐸᓕᓐᓂᓗ, ᐳᕐᑐᓂᕐᐹᓂᒃ ᐃᓕᓴᕐᑐᓄᑦ. ᐆᑦᑑᑎᒋᓗᒍ: ᐯᕆᑦᓯᕕᑦᓴᒥᒃ ᕿᓂᕐᑎᓗᒋᑦ ᐃᑲᔪᕐᓯᒪᓗᑎᒃ, ᐊᓇᕐᕋᓴᖏᓐᓂᒃ ᐃᓱᐊᕆᔭᖏᓐᓃᑎᑦᓯᒐᓱᐊᕐᓗᑎᒃ, ᐃᓕᓐᓂᐊᕕᑦᓴᖓᓂ ᕿᑐᕐᖓᖓᑕ ᐃᑎᕈᑎᓕᐅᕐᓗᑎᒃ, ᐊᒻᒪᓗ ᐃᓕᓴᕐᓗᒋᑦ ᐃᓕᓐᓂᐊᕕᖓ ᖃᓄᐃᑦᑐᓂᒃ ᐱᕐᕈᓯᖃᕐᓂᐊᒪᖔᑦ.
ᓄᓇᕕᒃ ᓯᕗᓂᑦᓴᕗᑦ ᓇᔪᕐᑕᓕᒃ ᒪᓐᑐᔨᐊᓪ ᐃᓪᓗᒐᓴᕐᔪᐊᖏᑦᑕ ᐃᒻᒧᐊᓂ (ᑕᐅᓐᑕᐅᓐ), ᐊᕙᑕᖅ ᐱᐅᓯᑐᖃᓕᕆᓂᐅᑉ ᐊᓪᓚᕕᖓᓂ.
ᓯᓚᑎᖓ 4150 St-Catherine Ouest, Westmount, Quebec; Suite 360B (ᓇᑎᖓᑕ ᐱᖓᔪᐊᓐᓂ). ᐃᓪᓗᖅ ᓵᓪᓕᐊᖓᓃᑦᑐᖅ Westmount Square, ᐱᑐᑦᓯᒪᑦᓱᓂ Atwater Metro Station (ᓄᓇᒃᑰᔫᑯᑖᒃᑯᕕᒻᒧᑦ).ᐊᒥᓱᐃᑦ ᐊᑦᔨᒌᖕᖏᑐᑦ ᐸᓰᑦ STM ᐊᑐᐃᓐᓇᐅᖏᓐᓇᓯᐊᕐᒥᔪᑦ.
ᖃᓪᓗᓈᑎᑐᑦ, ᐃᓄᒃᑎᑐᑦ, ᐃᓅᑦᔪᓰᑦᓴᔭᓕᕆᓂᖅ, ᐃᓗᕐᖁᓯᕐᒥᒃ ᕿᒥᕐᕈᓂᖅ ᑕᑯᒥᓇᕐᑐᓕᕆᓂᕐᒥ ᐊᒻᒪᓗ ᐃᙯᓕᓴᕐᓂᖅ. ᓱᓇᒥᑦᓱᓂ ᐃᓕᓴᕋᑦᓴᓂᒃ ᑕᑯᒍᒪᒍᕕᑦ ᐊᑐᐃᓐᓇᐅᑎᑕᐅᔪᓂᒃ, ᓇᕐᓂᓗᒍ ᒫᓂ.
ᐃᓕᓐᓂᐊᓂᖃᓛᕐᑐᖅ 9-ᒥᑦ 4-ᒧᑦ, ᐊᓪᓕᕇᕐᑐᓂᑦ ᓂᕿᑦᓯᑐᓄᑦ. ᓱᖃᑦᓯᓂᖃᖃᑦᑕᓛᕐᒥᓱᑎᓪᓗ ᐃᓕᓐᓂᐊᑎᑕᐅᒋᐊᓪᓛᕆᐊᖃᕐᑐᖃᕐᐸᑦ, ᐃᓕᓐᓂᐊᑎᑕᐅᓂᖅ, ᓱᖃᑦᓯᓃᑦ ᐊᒻᒪᓗ ᐊᓂᕐᕋᐅᔨᒐᕐᒥᓂᒃ ᐱᓇᓱᐊᕐᓗᑎᒃ ᐃᑲᔪᕐᓯᒪᔭᐅᓃᑦ 4-ᖕᖑᕇᕐᓯᒪᓕᕐᐸᑦ ᐅᓐᓄᓴᒃᑯᑦ ᐅᓪᓗᑕᒫᑦ ᐃᓛᓐᓂᑯᓪᓗ ᐱᓇᓱᐊᕈᓯᐅᑉ ᓄᖕᖑᐊᓂ.
ᑖᓐᓇ ᓇᓗᓀᒃᑯᑕᖓ ᑭᓯᑦᓯᒍᑎᒻᒪᕆᖓᑕ , ᐃᓕᓵᖑᓯᓚᐅᕐᓂᕋᕕᑦ ᑌᒪᖕᖓᓂᑦ ᓇᓗᓀᒃᑯᑌᑦ ᑯᐯᒃ ᐃᓕᓐᓂᐊᓂᓕᕆᓂᖓᑕ ᑐᕐᖃᑕᕐᕕᖓᓂ ᐊᓪᓚᑕᐅᒪᕖᑦ. ᑕᑯᓲᑦ ᐊᓪᓚᓯᒪᔪᖅ ᐃᓕᓐᓂᐊᑕᕕᓂᕐᐱᑦ ᑐᓴᕐᑎᓯᐅᑎᓕᐅᕐᕕᖏᓐᓂ, ᐃᓕᓐᓂᐊᕕᑦᓯᓂᑦ ᐊᓪᓚᖁᑎᑉᐱᑦ ᓇᓗᓀᒃᑯᑕᕕᓂᖓ ᐱᔪᓐᓇᒥᔦᑦ ᐃᓕᓴᕐᕕᐅᑉ ᐊᓪᓚᑎᖓᓂᑦ. ᑕᑯᓗᒍ ᐆᑦᑐᑎᒃ ᐃᓕᓐᓂᐊᑕᐅᔪᑦ ᑐᓴᕐᑎᓯᐅᑎᖓ ᐊᑖᓂ.
ᐊᐊ! ᑫᓪᓗᑐᕐᐸᓯ ᐃᓕᓐᓂᐊᕆᐊᕈᒪᔪᓕᒫᑦ ᑕᑕᕐᓭᖁᓪᓗᒋᑦ ᑎᑭᐅᑎᓚᐅᕐᑎᓇᒍ ᐃᓱᓕᕕᐅᒋᐊᓕᒃ ᒫᑦᔨ 1-ᖑᓚᐅᕐᑎᓇᒍ, ᓱᕐᖁᐃᓯᕋᑕᖕᖏᑲᓗᐊᕈᕕᑦ ᐱᔭᕇᕐᓂᐅᑎᑖᓛᕐᒪᖔᕐᐱᑦ ᐳᕐᑐᓂᕐᓴᒥᒃ ᐃᓕᓐᓂᐊᓂᕐᓂ. ᐃᓕᓐᓂᐊᕈᒪᐅᑎᓕᐅᑦᓴᐅᑎᒋᑐᐊᕈᕕᑦ ᐱᔭᕇᓚᐅᕐᓇᓘᓐᓃᑦ ᐳᕐᑐᓂᕐᓴᒥᒃ ᐃᓕᓐᓂᐊᓂᕐᓂ, ᐱᖁᔭᖃᑐᐃᓐᓇᑎᓪᓗᒍ ᐊᖏᕐᑕᐅᓯᒪᐅᑎᑖᓛᕐᑐᑎᑦ ᐊᑐᕈᓐᓇᑐᒥᒃ ᐱᔭᕇᑦᓯᐊᖏᓐᓂᓂ ᐱᔪᓐᓇᐅᑎᑖᕆᒋᐊᓕᓐᓂᒃ ᐳᕐᑐᓂᕐᓴᒥᒃ ᐃᓕᓐᓂᐊᓂᕐᒥ ᔫᓂᐅᓕᕐᐸᑦ.
ᐊᓯᖃᑦᔭᖏᒻᒪᑦ ᐳᕐᑐᓂᕐᐹᒥᒃ ᐱᔭᕇᕐᓯᒪᓕᕐᑐᓄᑦ ᐃᓕᓐᓂᐊᕋᑦᓴᐅᓱᓂ ᓄᓇᕕᒻᒥᐅᑦ ᑐᑭᓯᒪᔭᖓᑎᒎᕐᑐᒥᒃ ᐃᓗᕐᖁᓯᖓᑎᒍᓪᓗ. ᓄᓇᕕᒃ ᓯᕗᓂᑦᓴᕗᑦ ᐊᑐᕆᐊᖔᕐᓗᒍ ᐃᓱᐊᕐᓂᐹᖅ. ᓄᓇᕕᒻᒥᐅᖑᖃᑎᑦᓯᓂᒃ ᓄᓇᕕᓕᒫᒥᑦ ᐱᓯᒪᔪᓂᒃ ᐃᓕᓵᖑᖃᑎᖃᕐᓗᑎᑦ ᑐᑭᓯᕙᓪᓕᐊᖃᑎᒋᓗᒋᓪᓗ ᐱᔭᕆᔭᐅᓯᒪᓲᖑᒋᐊᓕᓐᓂᒃ, ᓲᖑᓂᕐᓂᒃ ᐱᔭᕆᐊᑐᔪᓗᑳᑎᒍᓪᓗ ᐱᔭᕆᔭᐅᒐᓱᐊᓲᓂᒃ ᐃᓄᐃᑦ ᐱᓇᓱᐊᓕᓂᖏᓐᓂᒃ ᐅᓪᓗᒥᒧᓗ ᓱᓕ ᐱᓇᓱᐊᓲᖏᓐᓂᒃ. ᓴᑐᕐᑎᑕᐅᖃᑦᑕᓗᓯ ᓄᑖᓂᒃ ᐱᕐᕈᓯᕐᓂᒃ ᐃᒻᒥᓂᒃ ᑐᑭᓯᔭᐅᑎᑦᓯᒐᓱᐊᕐᓂᒧᑦ ᐃᓄᑐᐃᓐᓇᐅᓂᕐᐱᓗ ᐃᑉᐱᓂᐊᕈᓯᖓᓂᒃ ᐊᓪᓚᓯᒪᔪᖕᖑᑎᑦᓯᓂᑎᒍᑦ, ᐅᖄᓂᒃᑯᑦ, ᐱᕐᖁᓯᑐᖃᑦᓴᔭᕐᑎᒍᑦ ᐱᓕᐅᑦᔨᕋᕐᓂᑯᑦ ᐊᒻᒪᓗ ᑕᑯᓐᓇᑕᐅᒍᓐᓇᑐᕐᑎᒍᑦ ᓱᓕᔪᖕᖑᐊᓕᕆᓂᑎᒍᓪᓗ. ᐃᓱᐊᕆᔭᑐᐃᓐᓇᑎᒍᑦ ᐃᓅᒐᓱᐊᕐᓂᕆᓲᑦ ᐃᐸᕋᐸᓕᐊᒍᓐᓇᓯᓗᒍᐊᓪᓛᑦ ᐅᓪᓗᑕᒫᕐᓯᐅᑎᓂ ᑐᑭᓯᕙᓪᓕᐊᓕᑐᐊᕈᕕᑦ ᓱᒧᑦ ᐃᓄᑐᐃᓐᓇᐅᒍᓯᐅᑉ ᐃᓕᑕᕆᔭᐅᓲᖑᓂᖓᓂ ᐱᒻᒪᕆᐅᑎᑕᐅᑦᓱᓂ, ᐃᓪᓕᕆᔭᐅᑦᓱᓂᓗ. ᐃᓕᓐᓂᐊᑕᕐᓂᖅ ᓄᓇᕕᒃ ᓯᕗᓂᑦᓴᕘᒃᑯᓂᑦ ᐱᔭᕇᑦᓯᐊᖁᓇᕐᑑᕗᑎᑦ ᐊᕐᕌᒎᑉ ᐃᓱᐊᓂ ᐃᓕᓐᓂᐊᕕᒻᒪᕆᒻᒥᒃ ᖃᕝᕙᕆᐊᕈᑎᑖᑦᓯᐊᕕᒋᓗᒍ ᐊᓪᓛᑦ, ᐅᐱᒪᒋᔭᕐᑖᓗᑎᓗ ᓄᓇᕕᒻᒥᐅᑕᐅᒋᐊᕐᓂᒃ, ᑐᑭᓯᔭᕕᓂᕐᓂᓗ ᑕᕝᕙᓂ ᐊᒥᕐᖄᖃᑎᖃᕆᐅᕐᓂᐅᓯᓗᑎᑦ ᓯᓚᕐᔪᐊᒥᐅᓕᒫᓂᒃ.
